Dit doen die werk sonder fieterjasies. Black Wattle brand af tot ordentlike kole vir Vrydagaand se wors, Sondag se tjops en alles tussenin. Dis ons ekonomiese keuse, die hout waarmee jy elke naweek kan braai.
Ons Black Wattle word geoes uit volhoubare plantasies.
Hoe vergelyk dit met rooikrans?
As jy oor rooikrans grootgeword het, sal Black Wattle bekend voel. Hulle is na familie, albei wattels, en hulle doen amper dieselfde werk, met ordentlike kole. Ons verkoop nie rooikrans nie, maar as rooikrans jou hout is, is Black Wattle die een om te probeer. Lees die hele vergelyking tussen rooikrans en Black Wattle.
Black Wattle of kameeldoring?
Vir die meeste braaie is Black Wattle genoeg. Vir die groot geleentheid, ’n lang braai of ’n potjie wat die hele middag moet prut, brand kameeldoring warmer en langer, en sy kole hou hul hitte. Baie braaiers begin die vuur met Black Wattle en maak klaar met kameeldoring. Ons bladsy oor braaihout sit die twee langs mekaar.
Hoe ons dit verkoop
Verkoop per stuk. Gesels met ons op WhatsApp oor die opsies. Sê vir ons in watter dorp jy bly, dan vat ons dit van daar af.
Ons bring Black Wattle tot by jou deur in Paarl, Wellington, Val de Vie en Pearl Valley in die Wes-Kaap, en in Klapmuts en Franschhoek teen ’n ekstra fooi. Ons doen net aflewering: sê vir ons op WhatsApp in watter dorp jy bly, dan reël ons die res saam met jou.
Dit brand goed genoeg binne, maar bloekom is ons keuse vir kaggels en toe kaggels: warm en skoon, met min as.
Hoe kry ek Black Wattle aan die brand?
Bou ’n tentjie aanmaakhout met ’n vuurmaakblokkie in die middel, sit die dunner stukke by, en die groter stukke eers as die vuur warm is. Moenie die vuur verstik nie, en moet nooit petrol of paraffien gebruik nie.
